मेचीनगर, १६ माघ । वेलायतकाे फाेक्सटन सिटीका पूर्व काउन्सिलर धनकिरण गुरूङले माघ २७ गते काँकरभिट्टामा धुमधमका मच्चाउने भएका छन् ।
आज काँकरभिटा स्थित हाेटल हिकाेला हेरिटेजमा आयोजित पत्रकार सम्मेलनमा मेचीनगरकाे छाेराे वेलायत निवासी गुरूङले माघ २७ गते गाेर्खा मेमाेरियल फाउण्डेशन नेपाल र काँकरभिट्टा भेट्रान क्लबले गर्न लागेकाे गाेर्खा सांगीतिक साँझ-२ मा गीत गाउने भएका हुन् ।
सांगीतिक साँझमा स्थानीय, राष्ट्रिय तथा अन्तर्राष्ट्रिय कलाकारहरूकाे वेजाेड प्रस्तुति रहने छ ।
काँकरभिट्टा स्थित मेची सामुदायिक हलमा हुने सांगीतिक साँझमा ५ सयदेखि १० हजारसम्म टिकट लाग्ने छ ।
यसअघि कलाकार समेत रहेका गुरूङले सांगीतिक साँझ-१ काे प्रस्तुति दिइसकेका छन् । उनले दुईवटा अवार्ड समेत हात पारिसकेका छन् ।
गुरूङले मेचीनगर नगरपालिकासँग भगेनी सम्बन्ध रहेकाे फाेक्सटन सिटीका मेयर, उपमेयर लगायतका उच्चपदस्थ व्यक्तिहरू सन २०२५ मा मेचीनगर आउने बताए ।
सन २०२५ मा धुलाबारी माविलाई ३०/३५ वटा कम्युटर ल्यावकाे व्यवस्था गर्ने याेजना रहेकाे उनले सुनाए ।
गाेर्खा मेमाेरियल फ्रण्ड युकेका अध्यक्ष समेत रहेका गुरूङले यसअघि काँकरभिट्टा माविलाई ३१ वटा कम्युटर ल्याव, मेचीनगर नगरपालिकालाई काेभिड-१९ मा अक्सिजन सिलिन्डर, धुलाबारीमा एम्बुलेन्स, नेपालका विभिन्न ठाउँमा शिक्षा, स्वास्थ्यमा सहयाेग गरेकाे बताए ।
उनले केही महिनाअघि फाेक्सटन सिटी भ्रमण गरेका मेचीनगरका मेयर, उपमेयरसँगकाे छलफलका विषयमा पनि केही कुराहरू सहमति भएको जानकारी दिए ।
गाेर्खा मेमोरियल फाउन्डेसन नेपालका अध्यक्ष नगेन्द्र कुमार गुरूङकाे अध्यक्षता, स्वागत फाउन्डेसनका उपाध्यक्ष एवम् भेट्रान क्लबका अध्यक्ष गंगालाल गुरूङले र सञ्चालन फाउन्डेसनका सदस्य सन्ताेष आचार्यले गरेका थिए ।
Discussion about this post