गायिका एलिनाको झापामा विवाह

झापा, ५ बैशाख । धोकेवाज गीत गाएर चर्चित बनेकी गायिका एलिना चौहानले आज विवाह गरेकी छन् ।

बिर्तामोड स्थित बिर्ता पार्टी प्यालेसमा आयोजित वैवाहिक समारोहमा एलिनाले प्रेमी विष्णु सापकोटालाई वरमाला पहिराएर विवाह गरेकी हुन् ।

बेहुला बेहुलीको पहिरनमा ठाँटिएका उनीहरुले खुसी हुँदै औंठी साटासाट गरे । आफन्त र एलिना निकट कलाकारहरु रचना रिमाल, मेलिना मैनाली लगायत विवाहमा सहभागी थिए ।

विष्णु बागलुङको घरबाट जन्ती लिएर मंगलबार बेलुका झापा पुगेका थिए । उक्त पार्टी प्यालेस बुधवार विवाह विवाह सम्पन्न भएको छ ।