लागूऔषध दुव्र्यसन नियन्त्रण सम्बन्धी गोष्ठी

भद्रपुर, २८ बैशाख । भद्रपुर नगरपालिकाका प्रमुख गणेश पोखरेलले लागूऔषध दुव्र्यसन नियन्त्रणका लागि रणनीति बनाएरअघि बढ्ने बताएका छन् ।

भद्रपुर नगरपालिकाको सहयोगमा नारी सञ्चार गृह झापाको आयोजनामा सञ्चालित दुइदिने लागूऔषध दुव्र्यसन तथा ओसार–पसार नियन्त्रणमा हाम्रो भूमिका विषयक कार्यशाला गोष्ठी सम्पन्न भएको छ ।

कार्यक्रममा प्रमुख अतिथि नगरप्रमुख पोखरेलले लागूऔषध नियन्त्रण चुनौती बन्दै गएको बताउँदै गोष्ठीबाट प्राप्त सुझावलाई आधार मानेर सबै वडाका जनप्रतिनिधिहरूबीच छलफल गरी नियन्त्रणका लागि रणनीति बनाएरअघि बढ्ने प्रतिवद्वता व्यक्त गरेका थिए ।

खुल्ला सिमानाका कारण भद्रपुर नगरपालिका लागूऔषधको प्रत्यक्ष प्रभावमा रहेको बताउँदै नियन्त्रणका लागि ठोस कदम चाल्नुपर्ने कुरामा नगरपालिकाले गम्भीर रूपमा लिएको बताए ।

लागूऔषध दुव्र्यसन तथा ओसार पसार विरुद्ध काम गर्ने सुरक्षा संयन्त्रदेखि देशकै ध्यान झापा केन्द्रित भएको उल्लेख गर्दै नगरप्रमुख पोखरेलले वडादेखि टोलसम्म पुग्ने किमिसले योजना बनाइने उनको भनाई थियो ।

सो अवसरमा सहभागीका तर्फबाट दुर्गा निरौला, बुद्धिसागर आचार्य, इन्द्रप्रसाद ओली, सरोज कोइराला लगायतले लागूऔषध तथा दुव्र्यसनको स्थिति भयावह बनेको भन्दै तत्काल टोलदेखि वडासम्मै, विद्यालयदेखि युवा, सबैलाई लक्षित कार्यक्रम ल्याउन माग गरेका थिए ।

उनीहरुले लागूऔषध दुव्र्यसनको र त्यसको असरबारे स्कूलका पाठ्यक्रममा समेत समेट्न आग्रह गरे । सीमा नाकामा दैनिक कवाडी ओसार्ने नाममा हुने ओहोर–दोहोर र गतिविधिलाई निगरानीमा राख्न समेत सहभागीले माग गरेका थिए ।

कार्यक्रममा नगरपालिकाका प्रमुख प्रशासकीय अधिकृत सुनिल निरौला, सामाजिक विकास शाखा प्रमुख जीवनकला राउत लगायतले मन्तव्य राखेका थिए ।

कार्यक्रममा नारी सञ्चार गृहकी पूर्व अध्यक्ष अम्बिका भण्डारीले संस्थाले गर्दै आएका काम तथा उठाउँदै आएका सार्वजनिक महत्वका विषय र रिपोर्टिङका क्रममा पाइएका लागूऔषधले समाजमा पारेको असरबारे प्रकाश पारेकी थिइन् ।

जिल्ला प्रहरी कार्यालय झापा अन्तरगत इलाका प्रहरी कार्यालय हल्दीबारीका इन्चार्ज प्रहरी सहायक निरीक्षक ओमराज पौडेल, पूर्नजन्म समूह नेपालका राजु गिरी, सहजीकरण नारी सञ्चार गृह झापाकी संस्थापक अध्यक्ष सावित्रा दाहाल र भीमा शिवाकोटीले सहजीकरण गरेका थिए ।

नारी सञ्चार गृह झापाकी अध्यक्ष रेजिना गौतमको अध्यक्षतामा सम्पन्न गोष्ठीको कार्यक्रम संयोजक एवम् सहसचिव जोस्ना श्रेष्ठले सञ्चालन गरेकी थिइन ।