मेचीनगर, २८ जेठ । काँकरभिट्टा खानेपानी उपभोक्ता तथा सरसफाइ संस्थाको अध्यक्षमा नेपाली काँग्रेस नेतृत्वको लोकतान्त्रिक साझा प्यानलका रोहितकुमार बुढाथोकी अध्यक्षमा निर्वाचित भएका छन् ।
आज (सोमबार) विहान २ बजे सम्पन्न अन्तिम मतगणनाको परिणाम अनुसार अध्यक्षमा बुढाथोकीले एक हजार ९९१ मत ल्याइ निर्वाचित भएको निर्वाचन समिति संयोजक राजु कार्कीले जानकारी दिए ।
नेकपा एमालेबाट नेतृत्व गरेका प्रगतिशील समाजवादी साझा प्यानलका अध्यक्षका प्रतिस्पर्धी सन्तोष आचार्यले एक हजार ८०८ मत प्राप्त गरेका छन् ।
अध्यक्षमा आचार्य भन्दा १८३ मत बढी ल्याएर बुढाथोकी विजयी भएका हुन् । अर्का अध्यक्षमा रास्वपाका उम्मेद्वार सुदर्शन खड्का माइलाले ३४६ मत मात्र प्राप्त गरे ।
त्यसैगरी उपाध्यक्षमा एमालेका प्रगतिशील समाजवादी प्यानलका गोविन्द गिरीले सानदार मत ल्याएर विजयी भएका छन् । उनले दुई हजार २६२ मत ल्याई निर्वाचित भए ।
उपाध्यक्षमा माओवादी केन्द्रबाट नेतृत्व गरेका लोकतान्त्रिक प्यानलका राजकुमार दाहाल (राजु)ले एक हजार २१९ मत र रास्वपाका कृष्ण सुवेदीले ६३० मत मात्र प्राप्त गरे ।
सचिवमा नेपाली काँग्रेसको लोकतान्त्रिक प्यानलका विशाल तामाङ निर्वाचित भएका छन् । तामाङले एक हजार ७४५ मत प्राप्त गरी विजयी भए । उनका प्रतिस्पर्धीहरु जसपाबाट नेतृत्व गरेका प्रगतिशील समाजवादी प्यानलका दिलिपजंग सुब्बाले एक हजार ६६३ मत र रास्वपाका नरेन्द्र शिवाकोटीले ५९८ मत मात्र ल्याए ।
कोषाध्यक्षमा एमालेको प्रगतिशील समाजवादी प्यानलकी बिमला तामाङ निर्वाचित भइन् । तामाङले दुई हजार ६५ मत ल्याएर विजयी भइन् । उनका प्रतिस्पर्धी नेकपा एकीकृत समाजवादीकी विमला देवकोटाले एक हजार ४६३ मत र रास्वपाकी सुधादेवी खड्काले ३९८ मत मात्र प्राप्त गरे ।
यता कार्यसमिति सदस्यहरुमा महिलातर्फ एमालेकी प्रगतिशील समाजवादीबाट इन्दीरा बुढाथोकी र जसपाबाट मीरा कार्की निर्वाचित भए । बुढाथोकीले एहक हजार ६६४ र कार्कीले एक हजार ५४६ मत ल्याएर विजयी भएका थिए ।
लोकतान्त्रिका माओवादी केन्द्रकी पवित्रा तिवारीको एक हजार ५१०, कांग्रेसकी लक्ष्मी कटुवाल थापाको ४४९, रास्वपाकी सुनिता सहनीको ३१५ मत मात्र प्राप्त भएको छ ।
त्यस्तै इकाई सदस्यतर्फ वडा नं. २, ३ र ४ बाट लोकतान्त्रिकबाट राप्रपाका इन्द्र प्रधानले एक ८८६ मत प्राप्त गरी निर्वाचित भए । उनका प्रतिस्पर्धी प्रगतिशी समाजवादीबाट एमालेका तिर्थराज नेपालले एक हजार ५९० मत मात्र प्राप्त गरे ।
इकाई सदस्य वडा नं. ५ र ८ बाट लोकतान्त्रिकबाट काँग्रेसका केदारजंग भट्टराई एक हजार ४६० मत प्राप्त गरी निर्वाचित भए । प्रगतिशीलबाट एमालेका पर्शुराम निरौलाले एक हजार ३५९ र रास्वपाका राजकुमार गिरीले ९८८ मत मात्र प्राप्त गरे ।
इकाई सदस्य वडा नं. ६ र ७ बाट प्रगतिशीलबाट एमालेका डिल्लीकमार काफ्ले एक हजार ५८१ मत ल्याएर निर्वाचित भए । लोकतान्त्रिकबाट संघीय लोकतान्त्रिक राष्ट्रिय मञ्चबाट पूर्णबहादुर लिम्बुले एक हजार ४१६ र रास्वपाका दिपेश तिवारीले ८५५ मत मात्र प्राप्त गरे ।
त्यसैगरी लेखा समितिको सबै पदमा प्रगतिशील समाजवादी प्यानलै जितेको छ । संयोजकमा एमालेबाट सोमराज ढकालले एक हजार ५०८ मत ल्याइ निर्वाचित भएका छन् ।
उनका प्रतिस्पर्धी लोकतान्त्रिबाट राप्रपाका किशोर शर्मा भण्डारीले एक हजार ४३४ र रास्वपाका भेषराज ओलीले ८११ मत मात्र प्राप्त गरे ।
प्रगतिशील समाजवादीबाट सदस्यमा जसपाका बालकुमार भुजेल र जोस्ना राजबंशी निर्वाचित भएका छन् । भुजेलले एक हजार ६६० र राजबंशीले एक हजार ७९९ मत ल्याइ विजयी भए । लोकतान्त्रिकबाट कांग्रेसबाट रीता घिमिरेले एक हजार ७२९, एकीकृत समाजवादीबाट विकास राउतले एक हजार २४८ र रास्वपाबाट प्रज्वल गौतमले ७५६ मत मात्र प्राप्त गरेका थिए ।
खानेपानीमा कुल मतदाता ६ हजार ६ सय ७४ जनामा शनिबार सम्पन्न मतदानमा चार हजार ९ सय २० मत मात्र खसेको संयोजक कार्कीले बताए । बदर मत ३१० रहेको छ ।
Discussion about this post