कमल, ४ असार । कमल गाउँपालिकाको चुलाचुलीमोड स्थित पूर्वपश्चिम राजमार्गमा सडक दुर्घटना हुँदा २१ जना घाइते भएका छन् ।
आज विहान ७ बजे राजमार्गका टिप्पर र यात्रुबहाक बस आपसमा ठोक्किँदा बसमा रहेका २१ जना यात्रु घाइते भएको जिल्ला प्रहरी कार्यालय झापाले जनाएको छ ।
झिलझिलेबाट दमकतर्फ आउँदै गरेको बा ३ ख २१६६ नम्बरको टिपर र पूर्वतर्फ जाँदै गरेको को १ ख ५०८७ नम्बरको बस एकआपसमा ठोक्किएका थिए ।
घाइतेमध्ये ११ जनाको दमक रिसर्च सेन्टर अस्पताल, ९ जनाको लाइफलाइन अस्पताल र एक जनाको दमक अस्पतालमा उपचार भइरहेको प्रहरीले जनाएको छ ।
बस चालक उदयपुर त्रियुगा–३ का ४५ वर्षीय अशोक बोट र टिप्पर चालक धनुषा गणेशमान–५ का ३४ वर्षीय शेरबहादुर राई इलाका प्रहरी कार्यालय दमकको नियन्त्रणमा रहेको जिल्ला प्रहरी कार्यालयका प्रवक्ता डीएसपी कृष्ण चन्दले जानकारी दिए ।
Discussion about this post