झापा, २१ साउन । बंगलादेशकी प्रधानमन्त्री शेख हसिनाले हिंसात्मक प्रदर्शनपछि राजीनामा दिएर देश छाडेकी छन् ।
सोमबार प्रधानमन्त्री हसिनाले राजीनामा दिएसँगै देश छाडेकी हुन् ।
त्यहाँको विभिन्न सञ्चारमाध्यमका अनुसार बंगलादेशको प्रधानमन्त्री निवासमा प्रदर्शनकारी प्रवेश गरेका थिए ।
बंगलादेशमा गत महिनादेखि आरक्षणको विरोधमा विद्यार्थीहरूले आन्दोलन गर्दै आएका छन् ।
प्रधानमन्त्री हसिनाले आन्दोलनमा उठेका माग सम्बोधन गर्न चासो देखाएकी थिइनन् ।
आइतबार विरोध प्रदर्शन उग्र भएको थियो । सोमबार पनि प्रदर्शनकारी ठुलो संख्यामा सडकमा उत्रिएका थिए ।
दिनहुँ आन्दोलन हिंसात्मक हुन थालेपछि प्रधानमन्त्री हसिना देश छाड्न बाध्य भएको एजेन्सीहरूकाे भनाई छ ।
Discussion about this post