मेचीनगर, ३० साउन । मेचीनगरका ६ राजनीतिक दलले नगरपालिका विरूद्ध आज पत्रकार सम्मेलन गरेर भदाै पहिलाे हप्तादेखि सशक्त आन्दोलन गर्ने घाेषणा गरेका छन् ।
धुलाबारी स्थित नेपाली कांग्रेसकाे क्षेत्रिय कार्यालयकाे भवनमा आयोजित ६ दलकाे पत्रकार सम्मेलनमा उक्त कुरा बताएका हुन् ।
संयुक्त प्रेस विज्ञप्तिमा नेपाली कांग्रेसका क्षेत्रिय सभापति इन्द्रबहादुर बुढाथोकी, नेकपा माओवादी केन्द्रका क्षेत्रिय अध्यक्ष माधव अर्याल, नेकपा एकीकृत समाजवादी झापा सचिव वीपी भट्टराई, राष्ट्रिय स्वतन्त्र पार्टीका क्षेत्रिय सभापति भिमबहादुर कुँवर, राष्ट्रिय प्रजातन्त्र पार्टी मेचीनगरका कार्यवाहक अध्यक्ष हाेमबहादुर विष्ट, जनता समाजवादी पार्टीका मेचीनगर अध्यक्ष ओमप्रकाश खापुङ लगायतकाे हस्ताक्षर रहेकाे छ ।
मेचीनगर नगरपालिकाका निवर्तमान मेयर विमल आचार्यले नगरपालिकाले वर्माबाट राेहिनियालाई खेदे जस्ताे, बंगलादेशबाट भागेर नेपाल आए जस्ताे व्यवहार नगर्न आग्रह गरेका थिए ।
कांग्रेसका काेशी प्रदेश सदस्य समेत रहेका आचार्यले नगरका नागरिकलाई स्वार्थ भन्दामाथि उठेर सेवा दिन माग गरे ।
कांग्रेस क्षेत्रीय सभापति बुढाथोकीले यहि साउन १८ गते नगरपालिकालाई ६ दलले बुझाएको २१ बुँदे ज्ञापन पत्रकाे कुनै जवाफ नआएकोमा चिन्ता व्यक्त गरेका थिए ।
उनले नगरपालिकाले ज्ञापनपत्रकाे बारेमा कुनै जानकारी नभएपछि अब भदाै महिनाकाे पहिलाे हप्तादेखि चरणबद्व आन्दोलन गर्ने बताए ।
माओवादी केन्द्रका क्षेत्रीय अध्यक्ष माधव अर्यालले नगरकाे अहिलेकाे बजेट, विभिन्न याेजनाहरू, कर्मचारीबीच विवाद, पटके सवारी कर, विकास निर्माण लगायतका कामहरूमा विभेद र समयमा सम्पन्न गर्न नसकेकाेमा दु:ख व्यक्त गरेकाे छ ।
माओवादी केन्द्रका नगर अध्यक्ष राजन चिमरियाले नगरवासीप्रति नगरपालिका निरीह भएकोले अन्तिम आन्दोलन हुन सक्ने जानकारी दिए ।
राष्ट्रिय स्वतन्त्र पार्टीका क्षेत्रीय सभापति भिमबहादुर कुँवर, नगर सभापति कमल गाैतमले जनताकाे हितका लागि सशक्त आन्दोलन गर्ने बताएका छन् ।
भिडियाे पनि हेर्नू हाेला ।
Discussion about this post