चारआली, १३ भदाै । मेची उद्योग बाणिज्य संघकाे आयोजनामा आन्तरिक राजस्व कार्यालयले उद्योगी-व्यवसायीसँग कर सम्बन्धि छलफल गरेकाे छ ।
आज मेचीनगर-१३,चारआली स्थित त्रिदेव क्याम्पसकाे सभा हलमा उद्योगी-व्यवसायीहरूसँग राजस्व कार्यालय भद्रपुरले करदाता शिक्षा कार्यक्रम गरेकाे हाे ।
मेची उद्योग बाणिज्य संघकाे आयोजना र राजस्व कार्यालयकाे समन्वय र सहजीकरणमा उक्त कार्यक्रम गरिएको संघका कार्यकारी निर्देशक गाेपाल वस्नेतले जानकारी दिए ।
आन्तरिक राजस्व कार्यालय भद्रपुरका कर अधिकृतद्वय भिम आचार्य र तीलक थापा मगरले करदाताहरूलाई
आयकर, मूल्य अभिवृद्वि कर र छुटका विषयमा सहजीकरण गरेका थिए ।
मिसमेच, भिसीटिएस, आयात, निर्यात, एचएस काेर्ड, डे वान, डे टु लगायतका विषयमा उद्योगी-व्यवसायीले राखेका जिज्ञासाहरूलाई कर अधिकृत आचार्यले समाधान दिने प्रयास गरेका थिए ।
कृषिजन्य वस्तुमा पर्ने जस्ताे हलाे, काेदालाेमा लगाएकाे कर, किसानले उत्पादन गरेर ल्याएका सागसब्जी साना ठुला सवारी साधनमा एक ठाउँबाट अर्काे ठाउँमा लैजादा लाग्ने कर, काराेवार र स्टक गर्दाकाे बिलबिजकका विषयमा राजस्व अनुसन्धान कार्यालय इटहरी, राजस्व कार्यालय झापा र प्रहरीले व्यापारीहरूलाई दु:ख दिने गरेकाे गुनासाे र समस्याकाे समाधान गरिदिन करदाताले खुलेर कुरा राखेका थिए ।
करदाताहरू किशाेर क्षेत्री(कपिल), भूमिराज पाैडेल, सन्ताेष खवास, श्यामप्रसाद न्याैपाने, मानबहादुर कटुवाल, खगेन्द्र महताे, विजयकुमार चाैधरी, मुना बाँस्काेटा भेटवाल लगायतले गुनासा र सुझाव राखेका थिए ।
बाणिज्य संघका अध्यक्ष खेमराज प्रसाईले करको नाममा प्रहरीले ज्यादती गरिरहेको बताए । उनले राजस्व कार्यालयले पनि करदातालाई चोर फटाहा जस्तो गरेर व्यवहार नगर्न अनुरोध गरेका छन् ।
कार्यक्रममा कर अधिकृत थापा मगरले करकाे दायरामा आउनेलाई छुट दिने सम्बन्धिकाे विवरण प्रस्तुत गरेका थिए ।
प्रस्तुत विवरणमा कुनै व्यक्तिले विगतमा कर लाग्ने आय आर्जन गरेकाे तर स्थायी लेखा नम्बर (पान) नलिएकाे भए त्यस्ताे व्यक्तिले पान।लिइ आर्थिक वर्ष २०७८/७९ र २०७९/८० काे लाग्ने कर मात्र बुझाए हुने, २०८१ फागुन मसान्त सम्म र सबै आय विवरण, साेमा लाग्ने कर र व्याजकाे २५ प्रतिशत मात्र बुझाए हुने छ ।
त्यस्तै पान नम्बर लिइ आय विवरण बुझाउन बाँकी रहेका करदाताले आय विवरण, साे आय विवरण अनुसारकाे आयकर र साेमा लाग्ने व्याजकाे २५ प्रतिशतले हुने रकम २०८१ फागुन मसान्तसम्म बुझाएमा साेमा लाग्ने शुल्क तथा बाँकी व्याज मिनाहा हुनेछ ।
यसैगरी २०८० असार मसान्त सम्मकाे मूल्य अभिवृद्धि करकने विवरण अनुसार २०८१ फागुन मसान्तभित्र बुझाए मूल्य अभिवृद्धि कर र व्याजकाे ५० प्रतिशत मात्र बुझाए हुने छ ।
२०८१ जेठ १४ गतेसम्मकाे काराेवार गरी कर संकलन नगरेकाे भए कर निर्धारण भइ बुझाउन बाँकी रहेकाे मूल्य अभिवृद्धि कर र साेमा लागेकाे व्याज, थप दस्तुर र जरिवाना मिनाहा हुने कार्यालयले जानकारी दिएकाे छ ।
मेची उद्योग बाणिज्य संघका अध्यक्ष खेमराज प्रसाईकाे अध्यक्षतामा भएको सम्पन्न कार्यक्रमकाे स्वागत वरिष्ठ उपाध्यक्ष किशाेर क्षेत्रीले र सञ्चालन महासचिव दिनेश शाक्यले गरेका थिए ।
भिडियो हेर्नू हाेला ।
Discussion about this post