मेचीनगर, २५ भदौ । विश्व साक्षरता दिवसको अवसरमा नेपाल मानव धर्म सेवा समिति मेचीले मेचीनगर, दमक र गौरादह नगरपालिकाका विभिन्न सामुदायिक विद्यालयहरुमा शैक्षिक सामग्री वितरण गरेको छ ।
नेपाल मानव धर्म सेवा समिति मेचीले मेचीनगर, दमक र गौरादह नगरपालिकाका विभिन्न सामुदायिक विद्यालयहरुमा ५३२ जना विपन्न वर्गका विद्यार्थीहरुलाई शैक्षिक सामग्री सोमबार वितरण गरेको हो ।
मेचीनगर–८ को विद्योदय प्राविका अध्ययनरत ६० जना विद्यार्थीलाई वडाध्यक्ष गिरीराज धमलाले वितरण गरेका थिए ।
मेचीनगर–१५ को कालिका आधारभुत विद्यालयका १९१ जना विद्यार्थीहरुलाई मेचीनगर नगरपालिकाका उपमेयर मीना पोखरेल उप्रेतीले वितरण गरेकी थिइन् ।
वडा नम्बर १५ कै मेची पारीको गाउँमा रहेको मेची प्राविका २१ जना विद्यार्थीलाई विद्यालयका विद्यालय व्यवस्थापन समितिका अध्यक्ष चन्द्रकाप्रसाद राजवंशीले वितरण गरेका थिए ।
त्यस्तै उक्त वडाकै डिगेन जनज्योति विद्यालयका ४८ जना विद्यार्थीहरुलाई वडाध्यक्ष गुणराज भट्टराई (राजन) ले वितरण गरेका थिए ।
यता दमक नगरपालिका–१० को सगरमाथा प्राविका ८० जना विद्यार्थीहरुलाई वडाध्यक्ष राजेन्द्र खतिवडाले उक्त सामग्री वितरण गरेका थिए ।
यसैगरी गौरादह नगरपालिका–४ को कञ्चनजंघा प्राविका १३२ जना विद्यार्थीहरुलाई मेयर छत्रपति सुवेदीले वितरण गरेका थिए ।
संस्थागत विद्यालयका विद्यार्थी तथा अन्य दाताहरुबाट संकलित शैक्षिक सामाग्रीहरु सामुदायिक विद्यालयमा अध्ययनरत विपन्न वर्गका विद्यार्थीहरुलाई उपलब्ध गराएको थियो ।
राष्ट्रव्यापी रुपमाा सञ्चालन गरिएको शैक्षिक सामग्री वितरण कार्यक्रमको व्यवस्थापन नेपाल मानव धर्मको युवा संगठन विभागद्धारा गरिएको थियो । उक्त कार्यक्रम मेची क्षेत्र प्रमुख सन्त माश्री सुवर्ण बाईजीको अगुवाईमा सम्पन्न भएको थियो ।
Discussion about this post