मेचीनगर, ३१ भदौ । नेकपा एमाले मेचीनगरको भर्खरै सम्पन्न दोस्रो वडा अधिवेशनबाट एउटा वडा बाहेक सबै वडामा वडा अध्यक्षहरु छानिएका छन् ।
नेकपा एमाले मेचीनगरको पन्ध्र वटा वडामध्ये ८ नम्बर वडा बाहेक सबै वडामा वडा अध्यक्षहरु छानिएका हुन् ।
एमाले मेचीनगरका वडाहरुको दोस्रो अधिवेशन यही भदौ १६ गतेदेखि २९ गतेसम्म भएको थियो ।
यस्ता छन् वडा कमिटी अध्यक्षहरु ।
मेचीनगर–१ को वडा कमिटी अध्यक्षमा डिकेन्द्रकुमार थापा, २ नम्बर वडा अध्यक्षमा रेनु काफ्ले, ३ नम्बर वडा अध्यक्षमा राजेन्द्र थापा, ४ नम्बर वडा अध्यक्षमा तिर्थ नेपाल, ५ नम्बर वडा अध्यक्षमा रविन राउत, ६ नम्बर वडा अध्यक्षमा राजु पौडेल सर्वसम्मत चयन भएको मेचीनगर अध्यक्ष राजु कार्कीले जानकारी दिए ।
त्यस्तै मेचीनगर–१० नम्बर वडा अध्यक्षमा उमेश डाँगी, ११ नम्बर वडा अध्यक्षमा रामकुमार रिजाल, १२ नम्बर वडा अध्यक्षमा रुपेश अधिकारी, १४ नम्बर वडा अध्यक्षमा मोहन राउत र १५ नम्बर वडा अध्यक्षमा चेतराज विष्ट (चेतन) सर्वसम्मत चयन भएको उनले बताए ।
यता वडा नम्बर ७, ९ र १३ का वडा अध्यक्षहरु चुनावी प्रतिस्पर्धाबाट निर्वाचित भएका छन् ।
मेचीनगर–७ नम्बर वडा अध्यक्षमा दावा तामाङ, ९ नम्बर वडा कमिटी अध्यक्षमा राजन खड्का र १३ नम्बर वडा अध्यक्षमा भोजराज पराजुली चुनावी प्रतिस्पर्धाबाट निर्वाचित भएको कार्कीले बताए ।
यसैबीच मेचीनगर–८ को वडा अधिवेशन भने स्थगित भएको छ ।
उनले यही भदौ २९ गते ८ नम्बर वडाको वडा अधिवेशन भइरहेका बेला स्थानीय पुराना कम्युनिष्ट नेता एवम् पूर्व क्षेत्रीय कमिटी सदस्य हिमबहादुर कार्कीको असामायिक निधन भएका कारण अधिवेशन स्थगित गरिएको बताए ।
८ नम्बर वडाको वडा अधिवेशन स्व.हिमबहादुर कार्कीको १३ औँ दिनको पुण्यतिथिपछि हुने बताइएको छ ।
Discussion about this post