अब रहिनन् माया गुरुङ…..

धुलाबारी, ९ असोज । मेचीनगर निवासी साहसी महिलाको रुपमा पहिचान बनाएकी माया गुरुङको निधनले सिंगो झापा स्तव्ध भएको छ ।

मंगलवार राति ७ वजे बिर्तामोड स्थित बिर्तासिटी अस्पतालमा उपचारको क्रममा उनको ८१ वर्षको उमेरमा निधन भएको हो ।

राप्रपाकी पूर्व केन्द्रीय सदस्य रहेकी स्व.माया गुरुङ तत्कालीन धुलाबारी गाउँ पञ्चायतको उपप्रधानपञ्च समेत थिइन् ।

झापा जिल्ला महिला संगठनकी उपसभापति, अन्तरपार्टी महिला सञ्जाल झापा अध्यक्ष, ज्येष्ठ नागरिक जिल्ला संघकी आजिवन सदस्य, २०२५ सालदेखि २०२७ सालसम्म शिक्षण पेशा, जनसेवाश्री पञ्चम श्री श्रेणी पदकद्वारा सम्मानित भइसकेकी गुरुङ एक असल, निडर र साहसी महिलाको रुपमा परिचित थिइन् ।

त्यस्तै, उनी नेपाल आदिवासी जनजाति महिला महासंघको अध्यक्ष, मखमली महिला विकास संस्थाको अध्यक्ष लगायतका दर्जनौं संघ–संस्थामा सक्रिय थिइन् । उनको निधनको मेचीनगरसहित देशबासी स्तव्ध बनेका छन् ।

उनका एक छोरा÷वुहारी र ६ जना छोरी÷ज्वाईहरु छन् । छोरा÷वुहारी राजेश गुरुङ र भिमादेवी लिम्बु तथा छोरी-ज्वाईहरू डेजी गुरुङ-राजकुमार राई, छोरी÷ज्वाईहरु प्रतिमा–दिपेशबहादुर वोगटी, सुष्मा–ओम्वा शेर्पा, रेश्मा–जितबहादुर राई, निलिमा–विवश पोखरेल, सिमा–मुक्तिनाथ देशार छन् ।

अमेरिकाबाट एउटी छोरी आइपुग्न बाँकी भएको कारण उनको पार्थिक शरीर अन्त्येष्टिका लागि राखिएको छ । छोरी आइपुगेपछि असोज १२ गते दिउँसो १ वजे स्थानीय निन्दा खोलाको रामघाटमा अन्त्येष्टि गरिने परिवारले जनाएको छ ।