मेचीनगर, १ मंसिर । मेचीनगर–१२ स्थित चारआली साना शहरी खानेपानी उपभोक्ता तथा सरसफाइ संस्थाको चुनाव सम्पन्न भएको छ ।
संस्थाको आज विहान ८ वजेदेखि ३ वजेसम्म सरस्वती बाल कल्याण माविमा मतदान सम्पन्न भएको थियो ।
संस्थाको २ हजार ६९५ मतदाता मध्ये एक हजार ७८१ जनाले मतदान गरेको निर्वाचन समिति संयोजक सन्तोष न्यौपानेले जानकारी दिए ।
मतगणना अहिले राति ८ वजेदेखि संस्थाको कार्यालयको भवनमा सुरु भएको छ । संस्थामा कार्यसमितिको ९ पद र लेखा समितिको ३ पद गरि १२ पदका लागि २७ जना उम्मेदवार छन् ।
चुनावमा नेपाली काँग्रेसको लोकतान्त्रिक समूह, नेकपा एमालेको प्रगतिशील तथा नेकपा माओवादी केन्द्रको समूहमा राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाज पार्टी लगायतको सहभागिता रहेको छ ।
नेपाली काँग्रेसको लोकतान्त्रिक समूहबाट अध्यक्षमा बालकुमार विष्ट, उपाध्यक्षमा दिपा आचार्य पौडेल, सचिवमा राजेन्द्रप्रसाद रिजाल, कोषाध्यक्ष यामकान्त पौडेल उम्मेदवार बनेका छन् ।
सदस्यमा साविक दुहागढी–४, ५ र ६ बाट खुल्ला सदस्यमा लक्ष्मी घिमिरे, महिला सदस्यमा रम्बा राजवंशी, साविक धाइजन–१, २, ३ र ४ बाट खुल्ला सदस्य धनमाया बस्नेत (नम्रता), साविक धाइजन–५ र ६ बाट महिला सदस्यमा शान्ता नेम्बाङ र खुल्ला सदस्यमा सुकुमार मेचे उम्मेदवार छन् ।
त्यस्तै लेखा समितिको संयोजकमा मोहन अधिकारी तथा सदस्यहरुमा हरिप्रसाद रिमाल र जमुनादेवी खरेल ओली उम्मेदवार छन् ।
यता नेकपा एमालेको प्रगतिशील समूहले अध्यक्षमा सन्तोषकुमार मेचे, उपाध्यक्षमा पुष्पा गौतम खनाल, सचिवमा दामोदर घिमिरे, कोषाध्यक्षमा प्रकाश बराल उम्मेदवार छन् ।
खुल्ला सदस्यहरुमा साविक धाइजन–१, २, ३ र ४ बाट राजेन्द्र कार्की, साविक धाइजन–५ र ६ बाट महिला सदस्यमा भागिरथा खतिवडा, खुल्ला सदस्यतर्फ हरिप्रसाद घिमिरे, साविक दुहागढी–४, ५ र ६ बाट खुल्ला महिला सदस्यमा लिलादेवी कार्की, खुल्ला सदस्यमा कुमारप्रसाद भण्डारी उम्मेदवार छन् ।
त्यस्तै लेखा समिति संयोजक पदमा रेवतकुमार दाहाल तथा सदस्यहरुमा श्रीप्रसाद थापा र विमला मिश्र विष्ट उम्मेदवार रहेका छन् ।
यसैगरी माओवादी केन्द्रको नेतृत्वको साझा समूह अध्यक्षका उम्मेदवार राजन चिमरिया, उपाध्यक्षमा मैया कार्की, सचिवमा प्रेमराज घिमिरे र कोषाध्यक्षमा साउन मेचे (बादल) उम्मेदवार छन् ।
सदस्यका उम्मेदवारहरुमा डिल्लीराम अधिकारी, चन्द्रकला तदेबुङ्ग, पुरुषोत्तम सिग्देल, अञ्जु फेवादिन, तेजबहादुर लिम्बु चुनावी मैदानमा उत्रिएका छन् ।
त्यस्तै लेखा समिति संयोजक अर्जुन खनाल तथा सदस्यहरुमा रुद्रप्रसाद रिजाल र रितादेवी रिजाल न्यौपाने उम्मेदवार रहेका छन् ।
काँग्रेसका लोकतान्त्रिक समूहबाट अध्यक्षमा उम्मेदवार बनेका विष्ट व्यवसायी एवम् समाजसेवी हुन्, एमालेको प्रगतिशील समूहका अध्यक्ष मेचे मेचीनगर–११ का पूर्व वडाध्यक्ष हुन् भने साझा समूह अध्यक्षका उम्मेदवार राजन चिमरिया नेकपा माओवादी केन्द्र मेचीनगरका अध्यक्ष हुन् ।
आगामी ३ वर्षे कार्यकाल लागि छैठौँ अध्यक्षसहितको कार्यसमिति चयन हुनेछ ।
Discussion about this post