कनकाई, २६ पुस । सुरूङ्गा प्रेस क्लबको अध्यक्षमा लीलाराज खड्का (झापाली) सर्वसम्मत चयन भएका छन् ।
आज सुरुङ्गामा भएको क्लबको पाँचौं साधारण सभा तथा तेस्रो अधिवेशनबाट झापाली अध्यक्षमा सर्वसम्मत चयन भएका हुन् ।
समितिको उपाध्यक्षद्वयमा संगीता उप्रेती र सिएम शर्मा, सचिवा मनोज बस्नेत, सहसचिवमा अनुप भण्डारी र कोषाध्यक्षमा चन्द्रकुमार बस्नेत रहेका छन् ।
त्यस्तै सदस्यहरूमा आईपी भट्टराई, जनक न्यौपाने, केशव चापागाई, सुस्मा कुमाल र सूर्यप्रकाश अधिकारी छन् ।
क्लबका सल्लाहकार संयोजक सूर्यप्रकाश उप्रेती निर्वाचन अधिकृत तथा सदस्य तीर्थराज खरेल र रेजिना रोदन रहेको निर्वाचन समिति गठन गरिएको थियो ।
सोही अवसरमा नेपाल पत्रकार महासंघमा निर्वाचित अध्यक्ष एकराज गिरीसहित पदाधिकारी तथा सदस्यलाई सम्मान गरिएको थियो । त्यस्तै सञ्चारकर्मी अमृत योङहाङलाई समेत सम्मान गरिएको थियो ।
कार्यक्रममा कनकाई नगरपालिकाका मेयर राजेन्द्रकुमार पोखरेल, नेपाल पत्रकार महासंघ झापाका अध्यक्ष एकराज गिरी, समाजसेवीहरु शेरबहादुर थापा, युवराज चम्लागाई, सूर्यप्रकाश उप्रेती लगायतले शुभकामना मन्तव्य राखेका थिए ।
सुरूङ्गा प्रेस क्लबका अध्यक्ष रामप्रसाद निरौलाको अध्यक्षतामा सम्पन्न कार्यक्रमको स्वागत उपाध्यक्ष सावित्रा दाहाल भट्टराईले र सञ्चालन सचिव मनोज बस्नेतले गरेका थिए ।
Discussion about this post