मेचीनगर, १७ माघ । मेचीनगर लेडी जेसीजले आयोजना गरेको निःशुल्क स्वास्थ्य शिविरमा अधिकांश महिलामा पाठेघरको समस्या देखिएको छ ।
आज जेसीजले मेचीनगर–७ स्थित लक्ष्मी प्रावि परिसरमा आयोजित स्तन तथा पाठेघरको क्यान्सर सम्बन्धी स्वास्थ्य शिविरमा ५२ जना महिलालाई पाठेघरको समस्या देखिएको हो ।
मेचीनगर लेडी जेसीज वर्ष २०२५ की अध्यक्ष सविता पोखरेलले स्वास्थ्य शिविरमा आएका २१७ जना मध्ये ५१ जना महिलालाई पाठेघरको समस्या देखिएको जानकारी दिइन् ।
शिविरमा बिर्तामोड स्थित पूर्वाञ्चल क्यान्सर र बीएण्डसी अस्पतालका डाक्टर ज्योति लामा, सांग्रीला, स्वास्थ्कर्मी प्रतिमा कार्की लगायतको टिमले उपचार सेवा प्रदान गरेको थियो ।
मेचीनगरर नगरपालिका–७ नम्बर वडा कार्यालयको सहयोगमा सञ्चालन भएको स्वास्थ्य शिविरको उद्घाटन नेपल जेसीज वर्ष २०२५ का कार्यकारिणी उपाध्यक्ष गणेश सापकोटाले गरेका थिए ।
कार्यक्रममा प्रमुख अतिथि सापकोटा, वडाध्यक्ष प्रलादमणि ओली, वडा सदस्य मिनमाया सुब्बा, काँकरभिट्टा खानेपानी तथा सरसफाइ संस्थाका अध्यक्ष रोहितकुमार बुढाथोकी, लक्ष्मी प्रावि व्यवस्थापन समितिका अध्यक्ष नवीन राई, लेडी जेसीजकी आजिवन सदस्य सीता गुरुङ लगायतले शुभकामना मन्तव्य राखेका थिए ।
मेचीनगर लेडी जेसीज अध्यक्ष सविता पोखरेलको अध्यक्षतामा सम्पन्न स्वास्थ्य शिविरको सञ्चालन महासचिव शर्मिला तिम्सिनाले गरेकी थिइन् ।
Discussion about this post