मेचीनगर, १७ फागुन । पहाडका नागरिकहरु थाकथलो छाडेर तराईका शहरहरुमा झर्न थालेपछि मेचीनगर नगरपालिकामा पनि घर नक्सा पास गर्नेको भिड बढ्न थालेको छ ।
मेचीनगर नगरपालिकामा चालु आर्थिक वर्ष २०८१ पुस मसान्त सम्ममा करिव एकसय वटा घर नक्सा पासको निवेदन दर्ता भएका छन् ।
नगरपालिकाका घर नक्सा शाखा प्रमुख सञ्जयकुमार ढुंगानाले चालु आर्थिक वर्षको पुस मसान्त सम्ममा पन्ध्रै वटा वडा कार्यालय मार्फत ९९ वटा नक्सा पासको निवेदन दर्ता भएको जानकारी दिए ।
उनका अनुसार यसअघिकासहित १३२ वटा घर नक्सा पासको निर्माण सम्पन्न भइसकेको छ । ४३ वटा अस्थाई र ४२ वटा स्थाई स्वीकृती पनि भएको उनले बताए ।
वडा कार्यालयमा दर्ता भएका
मेचीनगर–१ नं.वडा कार्यालयमा नक्सा पासका लागि एउटा नयाँ दर्ता र एउटा निर्माण सम्पन्न भएको छ ।
वडा नं.२ मा तीन वटा नयाँ दर्ता, एउटा अस्थाई र ३ वटा निर्माण सम्पन्न, ३ नं.वडा कार्यालयमा एउटा नयाँ दर्ता र एउटा निर्माण सम्पन्न, वडा नं.४ मा तीन वटा नयाँ दर्ता, २ वटा अस्थाई, एउटा स्थाई र ३ वटा निर्माण सम्पन्न, वडा नं.५ मा चार वटा नयाँ दर्ता, २ वटा अस्थाई, दुई वटा स्थाई र ३ वटा निर्माण सम्पन्न, वडा नं.६ मा १२ वटा नयाँ दर्ता, १० वटा अस्थाई, ७ वटा स्थाई र २९ वटा निर्माण सम्पन्न, वडा नं.७ मा १० वटा नयाँ दर्ता, २ वटा अस्थाई, ४ वटा स्थाई र ११ वटा निर्माण सम्पन्न र वडा नं.८ मा ७ वटा नयाँ दर्ता, ४ वटा अस्थाई, ५ वटा स्थाई र ९ वटा निर्माण सम्पन्न भएको नगरपालिकाले कार्यालयले जनाएको छ ।
त्यस्तै वडा नं.९ मा ९ वटा नयाँ दर्ता, ५ वटा अस्थाई, ७ वटा स्थाई र १६ वटा निर्माण सम्पन्न, वडा नं.१० मा २८ वटा नयाँ दर्ता, ६ वटा अस्थाई, ११ वटा स्थाई र २८ वटा निर्माण सम्पन्न, वडा नं ११ मा ९ वटा नयाँ दर्ता, ४ वटा अस्थाई, ३ वटा स्थाई र ८ वटा निर्माण सम्पन्न, वडा नं १२ मा ८ वटा नयाँ दर्ता, १ वटा अस्थाई, १ वटा स्थाई र ३ वटा निर्माण सम्पन्न, वडा नं १३ मा ३ वटा नयाँ दर्ता, ४ वटा अस्थाई, १ वटा स्थाई र ८ वटा निर्माण सम्पन्न, वडा नं १४ मा २ वटा नयाँ दर्ता, २ वटा अस्थाई, १ वटा स्थाई र ७ वटा निर्माण सम्पन्न र वडा नं १५ मा १ वटा स्थाई र २ वटा निर्माण सम्पन्न भएको कार्यालयले जनाएको छ ।
गतवर्ष २८४ वटा दर्ता
गत आर्थिक वर्ष २०७९÷०८० मा नक्सा पासका लागि २८४ वटा दर्ता भएका थिए । ४० वटा अस्थाई, १११ वटा स्थाई र ४६२ वटा निर्माण सम्पन्न भएको घर नक्सा शाखा प्रमुख ढुंगानाले बताए ।
यसवर्ष र गतवर्ष राजश्व संकलन
राजश्व शाखाका अनुसार चालु आर्थिक वर्ष २०८१ पुस मसान्त सम्ममा घर नक्सा पासबाट ३३ लाख ७६ हजार ७९१ रुपैयाँ ४१ पैसा राजश्व संकलन भएको छ । गतवर्ष २०८० सालमा ९५ लाख ८६ हजार ९७२ रुपैयाँ राजश्व उठेको थियो ।
७ धुर भन्दा माथिको नक्सा पास
ढुंगानाका अनुसार नगरपालिकाको २०७४ पुस २७ गतेको निर्णय अनुसार ७ धुर जग्गा भन्दा माथिको मात्रैको घर नक्सा पास हुने मापदण्ड तय गरिएको छ । त्यो भन्दा तलको जग्गाको घर नक्सा पास नहुने भन्ने सम्बन्धित निकायहरुलाई परिपत्र छ ।
तर, मालपोत कार्यालय झापाले जति धुर जग्गाको पनि कित्ताकाट गरिरहेकोले स्थानीय तहको निर्णय कार्यान्वयनलाई वेवास्था गरेको उनको बुझाई छ ।
Discussion about this post