बिर्तामोड, २९ बैशाख । नेकपा एकीकृत समाजबादी (एस) को झापा अध्यक्षमा वीपी भट्टराई सर्वसम्मत निर्वाचित भएका छन् ।
भट्टराईको नेतृत्वमा पार्टीको ६१ सदस्यीय जिल्ला कार्य समिति सर्वसम्मत निर्वाचित भएको हो ।
पार्टीको दशौं जिल्ला अधिवेशन शनिवार बिर्तामोडमा भएको थियो । आइतबार नयाँ कार्य समिति चयन गरिएको हो ।
समितिको उपाध्यक्षद्वयमा नविन इजम र सरस्वती लिम्बु,सचिवमा सानुकुमार लामा, उपसचिवहरू होम बराल, श्री मिश्र र उदय बरायली रहेका छन् ।
नेकपा एमालेबाट राजनीतिक जीवन सुरु गरेका इमानदार युवा नेा भट्टराई एमाले विभाजनपछि माधव नेपालको नेतृत्वमा गठित एकीकृत समाजबादी पार्टीमा लागेका थिए । यसअघि उनी सो पार्टीक जिल्ला सचिवकाे जिम्मेवारीमा थिए ।
कार्यक्रममा झापा विद्रोहका नेता नरेश खरेल, प्रगतिशील साहित्यकार पुण्यप्रसाद खरेल लगायतलाई सम्मान गरिएको थियो ।
अधिवेशनकाे उद्घाटन गर्न पूर्वप्रधानमन्त्री तथा पार्टीका वरिष्ठ नेता झलनाथ खनाल आएका थिए ।
एसका झापा अध्यक्ष वेदराज रेग्मीकाे अध्यक्षतामा अधिवेशन सम्पन्न भएको थियाे ।
Discussion about this post