मेचीनगर, २९ जेठ । सरकारले सुनमा कर बृद्धि गरेपछि व्यवसायीहरु आन्दोलित भएका छन् ।
आज सुनचाँदी व्यवसायीले काँकरभिट्टामा करको विरोद्धमा प्रदर्शन गरेका हुन् ।
नेपाल सुनचाँदी व्यवसायी संघ मेचीनगरले ‘सम्पूर्ण सुनचाँदी व्यवसायी, कालिगढ तथा कर्मचारी एक हौँ’ व्यानरसहित सुनमा लगाइएको २ प्रतिशत विलासिता कर खारेज गर, हिरा जुवाहरत पत्थरमा लगाएको १३ प्रतिशत भ्याट खारेज गर, उपभोक्ता कर्मचारी, कालिगढ तथा व्यवसायी मैत्री ऐन तुरुन्त जारी गर लगायतका नारा, प्लेकार्ड बोकेर काँकरभिट्टा बजारमा विरोद्ध प्रदर्शन गरेका थिए ।
नेपाल सुनचाँदी व्यवसायी संघ मेचीनगरका अध्यक्ष टोलबहादुर सुनुवार (नारायण) ले सुनमा लगाइएको २ प्रतिशत विलासिता कर र १३ प्रतिशत भ्याट खारेजीको माग गर्दै विरोद्ध गरिएको बताए ।
राज्यले माग पूरा नगरेसम्म आन्दोलन जारी रहने उनको भनाई छ । करको विरोद्धमा सुनचाँदी व्यवसायीले विहीबार देशभरी प्रदर्शन गरेका छन् । सरकारले आर्थिक बर्ष २०८२÷०८३ को बजेटमा सुनमा कर बृद्धि गरेपछि व्यवसायीहरु आन्दोलित भएका हुन ।
Discussion about this post