मेचीनगर, ६ भदौ । हरितालिका तीजको अवसरमा
इस्ट होराइजन अंग्रेजी माविले शिक्षिकाहरुबीच मैत्रीपूर्ण फुटबल प्रतियोगिता सम्पन्न गरेको छ ।
कञ्चनजंघा टिम र अन्नपूर्ण टिमबीच प्रतिस्पर्धा भएको थियो । प्रतियोगितामा कञ्चनजंघाले अन्नपूर्णलाई टाइब्रेकरमा १-० गोल अन्तरले पराजित गरेकाे थियाे । जितसँगै उसले नगद १० हजार रूपैयाँ प्राप्त गर्यो ।
निर्धारित समयमा १-१ को बराबरीमा सकिएपछि नतिजाका लागि खेल सिधै टाइब्रेकरतर्फ धकेलिएको थियो । कञ्चनजंघाको लागि खेलको १५ औँ मिनेटमा नमुना आङदेम्बेले गोल गरेकी थिइन् ।
तर, खेलको २२ औँ मिनेटमा अन्नपूर्णकी निशा धिमालले गोल फर्काउँदै बराबरीमा ल्याएकी थिइन् ।
टाइब्रेकरमा कञ्चनजंघाकी गरिमा लामिछानेको प्रहार मात्र गोलमा परिणत भएको थियो ।
उपविजेता अन्नपूर्णले २५०० रुपैयाँमा चित्त बुझाएको थियाे ।
विजेता तथा उपविजेता टिमलाई विद्यालयका प्रिन्सिपल सञ्जीब राई, प्रशासन प्रमुख सावित्रा सापकोटा, शिक्षक प्रेम डाँगी लगायतले पुरस्कार वितरण गरेका थिए ।
Discussion about this post