झापा, ३० असोज । गौरादह नगरपालिका–९ स्थित कृष्ण खोलामा माछा मार्ने क्रममा तीन जना बालिकाको डुवेर मृत्यु भएको छ ।
मृत्यु हुनेमा गौरादह–९ खजुरबारीका स्थानीय अञ्जु मगरकी दुई छोरी सात वर्षीया सुष्मा, नौ वर्षीया स्वीकृति मगर र रोमन (मोते) परियारकी ११ वर्षीया छोरी रोश्नी परियार रहेका छन् ।
उनीहरूको माछा मार्ने क्रममा खोला दिउँसो १ः१० वजे डुबेर मृत्यु भएको जिल्ला प्रहरी कार्यालय झापाले जनाएको छ ।
उनीहरुसँगै गएकी अर्की राजकुमार राईकी १० वर्षीया छोरी युनिसा राईले तीन जना साथिहरु पानीमा डुवेको देख्नसाथ अभिभावकलाई जानकारी गराएकी थिइन् ।
स्थानीयले उनीहरुलाई बाहिर निकालेका थिए । तीनै जनाको मृत्यु भइसकेको अस्थाई प्रहरी चौकी बैगुनधुरामा जानकारी प्राप्त हुन साथ घटना स्थालमा प्रहरी खटिगएको थियो ।
Discussion about this post