मेचीनगर, १९ पुस । प्रेस क्लब मेचीनगरको आयोजनामा हुन लागेको ‘इन्डो–नेपाल मेचीनगर मिडियाकप’ का लागि विभिन्न संघ–संस्थाहरुले सम्झौता गरेका छन् ।
मिडिया कपको संरक्षकको रुपमा मेचीनगर नगरपालिका रहेको छ भने नगर खेलकुद विकास समिति मुख्य सहयोगी बनेको छ ।
मिडिया कपलाई भव्यरुपमा सम्पन्न गराउनका लागि दाताहरुले सहयोगको हातअघि बढाएका छन् । पुस १९ गतेसम्म आधा दर्जन संघ–संस्थाहरुले सम्झौता गरिसकेको क्लबका अध्यक्ष प्रकाश पौडेलले बताए ।
मिडियाकपका लागि पर्यटन कार्यालय काँकरभिट्टा, इष्ट होराइजन मावि, होटल मेची क्राउन, बिर्तामोड एजुकेशन धुलाबारी शाखा, उदेश्य निर्माण सेवा मेचीनगर, सहारा नेपाल साकोस, टिमुर चामल विराटनगर, अशोक मसला, मेचीनगर नगरपालिका–१४ नम्बर वडा कार्यालय, प्याब्सन मेचीनगर, मेची आँखा अस्पताल बिर्तामोड, स्कुल ब्रेनवेभ सर्कल मेचीनगर, डालमिया पानी उद्योग, काँकरभिट्टा खानेपानी उपभोक्ता तथा सरसफाइ संस्था लगायतले प्रायोजकको रुपमा सहयोग गरेको खेल संयोजक खगेन्द्र घिमिरेले जानकारी दिए ।
उनका अनुसार मिडिया कपका लागि व्यक्तिगत सहयोग पनि आउने क्रम जारी रहेको छ । क्लबले प्रायोजक संघ–संस्थाको नाम क्रमशः सार्वजनिक गर्दै जानेछ ।
यही पुस २७ र २८ गतेदेखि हुन लागेको मिडियाकपमा नेपालसहित भारतका दुईगरी ८ वटा पत्रकारको टिम सहभागी हुँदैछन् । प्रतियोगितामा प्राविधिक सहयोग झापा जिल्ला फुटबल संघले गर्नेछ ।
Discussion about this post