मेचीनगर, १५ माघ । स्थानीय जातिका समुदायले उत्पादन गरेका रैथाने परिकारलाई ठुल ठुल्ला हाेटलमा पुर्याउने, प्रवर्द्धन गर्न र उनीहरूकाे पहिचान स्थापित गराउने उदेश्यले धुलाबारीमा तीनदिने ´रैथाने स्वाद तथा सांस्कृतिक महाेत्सव` सुरू गरिएको छ ।
आजदेखि मेचीनगर-१० स्थित नन्दा करिडाेरमा उक्त महाेत्सव सञ्चालनमा आएको छ ।
महाेत्सवमा नेवार, किसान, मेचे र राई समुदायकाे विशेष खालकाे रैथाने परिकारकाे स्टल बिक्रीका लागि राखिएको छ ।
त्यस्तै स्टलमा शान्ति समाजकाे अर्गानिक परिकार र हस्पिटालिटी सहितकाे सेवा हाेटल मेची क्राउन, धुलाबारी माविले पनि राखेकाे छ ।
कार्यक्रमका प्रमुख अतिथि मेचीनगर नगरपालिकाका प्रमुख गाेपालचन्द्र बुढाथोकीले मेचे समुदायकाे लाेकप्रिय तिर हानेर महाेत्सवकाे उद्घाटन गरेका थिए ।
उनले स्थानीय रैथाने र अर्गानिक परिकार छाडेर पश्चिममाले सेवन गर्ने परिकारहरूमा झुमिन थालेकाे बताए ।
यस्ता खालका महाेत्सवहरूमा लाेप हुन थालेका रैथाने स्वादका परिकारहरू पाउनुले पुरानाे सभ्यता, संस्कृति र परम्परालाई सम्झाउने उनले दावी गरेका छन् ।
कार्यक्रममा पर्यटन कार्यालय काँकरभिट्टाका प्रमुख छविलाल खतिवडा विभिन्न जातिका रैथाने परिकारले पर्यटन प्रवर्द्धनमा जाेड दिने बताएका छन् ।
तीन दिनसम्म सञ्चालन हुने महाेत्सवमा विभिन्न प्रतियोगिता, प्यानल बहस, सांस्कृतिक लगायतका कार्यक्रम पनि हुनेछ ।
गतवर्ष रैथाने परिकारका रूपमा राजबंशी, दनुवार, मेचे समुदाय लगायतकाे स्टल राखिएको थियाे ।
रैथाने परिकारकाे स्वाद लिन पहिलाे दिनै टाडा टाडाका सर्वसाधारण पनि महाेत्सवमा भिड लागेकाे थियाे ।
महाेत्सवका लागि नगरपालिका र पर्यटन कार्यालयले आर्थिक सहयोग गरेकाे छ ।
नन्दा करिडाेर विकास प्रवर्द्धन केन्द्रका अध्यक्ष धर्मेन्द्र खड्काले महाेत्सवकाे उदेश्यमाथस प्रकाश पारेका थिए ।
महाेत्सवकाे उद्घाटन सत्रकाे सञ्चालन सहसचिव देवेन्द्र दाहालले र स्वागत सदस्य मीना इजम लिम्बूले गरेकी थिइन् ।
Discussion about this post