काँकरभिट्टा, २ फागुन । काँकरभिट्टाकाे ऐतिहासिक धार्मिक स्थल शिव पातालगंगा नवग्रह मन्दिरमा पुराण हुने भएको छ ।
शान्ति रमाइलो गाउँमा मन्दिर समितिले यही फागुन ६ गतेदेखि १२ गतेसम्म श्रीमद् भागवत सप्ताह ज्ञान महायज्ञ आयोजना गर्ने भएको हाे ।
मन्दिर समितिका सल्लाहकार संयोजक सुभद्रा भट्टराई अर्यालका अनुसार बजरंगवली हनुमानकाे मुर्ति पनि स्थापना गरि प्राण प्रतिष्ठान गरिने छ ।
त्यस्तै पञ्जमुखी शिवलिंग, नवग्रह देउताहरुको प्रतिमाहरू राखिने समितिले जनाएको छ ।
मन्दिर समितिका अध्यक्ष देवराज निरौलाले शिव पातालगंगा क्षेत्रलाई धार्मिक तथा पर्यटकीय स्थलका रुपमा विकास गर्न पनि पुराण आयोजना गरिएको बताए ।
पुराणमा प्रमुख कथावाचकमा पण्डित मुकुन्द नेपाल, उपवाचकमा पण्डित प्रेम सुवेदी रहने छन् ।
पुराणमा दैनिक पूजा अर्चना, भागवत पाठ, कथा प्रवचन लगायतका भजन, कृतनहरू हुनेछन् ।
समितिका संस्थापक अध्यक्ष, संरक्षक एवम् सामाजिक व्यक्तित्व शंकर भट्टराईको पहलमा उक्त मन्दिर स्थापना गरिएको हो ।
Discussion about this post