झापा, १५ फागुन । नेपाली कांग्रेसका उपसभापति विश्वप्रकाश शर्माले नयाँ खोज्दै गर्दा २०६४ सालमा माओवादीलाई करिव दुई तिहाइ दिएर गल्ती गरेको बताएका छन् ।
पोखरामा आज आयोजित कांग्रेसको चुनावी सभालाई सम्बोधन गर्दै उपसभापति शर्माले नयाँ खोज्दा देशले निकास पाउँछ कि पाउँदैन भन्ने कुराको ख्याल राख्न मतदातासँग आग्रह गरेका छन् ।
‘कतिपयलाई लागेको छ नयाँ खोजौँ । नयाँ खोज्दै गर्दा २०६४ सालमा माओवादीलाई झन्डै झन्डै दुई तिहाइ दिएर संसदमा पुरायो,’ शर्माले भने,–‘नयाँलाई खोज्दै गर्दा यो देशले ०६४ सालमा जुन गल्ती ग¥यो, त्यस्तै गल्ती गर्ने, या ०७० सालमा झैँ विवेक पु¥याउने छनोट गर्नुपर्ने बेला आएको छ ।’
०६४ को नयाँले देशलाई बाटो नदिएपछि २०७० मा कांग्रेसलाई सबै भन्दा ठुलो दल बनाएपछि मात्रै देशले दुई वर्षमा संविधान पाएको उनको दावी छ ।
उनले भने ‘त्यसैले अहिले बिलकुल संयमताका साथ बुझ्नु पर्नेछ । अहिले देशलाई कसले नेतृत्व गर्ने भन्ने कुरा मूल प्रश्न होइन ।’
शर्माका अनुसार मूल प्रश्न सिंहदरबारमा नेतृत्व गरेर २३ र २४ गतेपछिको आँधी हुरी तुफानलाई व्यवस्थित पारेर कसले साम्य पार्न सक्छ भन्ने हो ।
Discussion about this post