मेचीनगर, १५ वैशाख । चारआली स्थित त्रिदेव बहुमुखी क्याम्पस सञ्चालक समितिको अध्यक्षमा सन्तोष न्यौपाने सर्वसम्मत चयन भएका छन् ।
क्याम्पसको सातौं अधिवेशन सभाले आगामी तीन वर्षे कार्यकालका लागि न्यौपानेलाई अध्यक्षमा चयन गरेको निर्वाचन समितिका संयोजक दुर्गाप्रसाद भट्टराईले जानकारी दिए ।
समितिको उपाध्यक्षमा भक्तबहादुर खेवाङ तथा सदस्यहरुमा शरद शिवाकोटी, सुनिता रिजाल, कृष्णप्रसाद सिग्देल र मोहन अधिकारी रहेका छन् ।
क्याम्पसको विधानमा १९ सदस्यीय सञ्चालक समिति रहने छ । बाँकी सदस्यहरु मनोनित हुने छन् । पदेन सदस्यहरूको संयुक्त बैठकबाट थप एक जना उपाध्यक्ष छनोट हुने व्यवस्था रहेको छ ।
यस्तै आन्तरिक लेखा समितिको संयोजकमा जगन भट्टराई तथा सदस्यहरूमा मवेन्द्र पौडेल र दीपेन्द्र सुवेदी चयन भएको संयोजक भट्टराईले बताए ।
कार्यक्रममा संस्थापक क्याम्पस प्रमुख माधव प्याकुरेल, निवर्तमान अध्यक्ष हरिप्रसाद घिमिरे, जिल्ला अदालत झापाका अधिकृत बोधराज सुवेदी, क्याम्पस प्रमुख गोपीकृष्ण भट्टराई लगायतले सफल कार्यकालको शुभकामना दिएका थिए ।
Discussion about this post