मेचीनगर, १३ मंसिर । झापामा समानुपातिकमा प्रदेशसभातर्फ खसेको मत बदर बढी देखिएको निर्वाचन कार्यालय झापाले जनाएको छ ।
प्रतिनिधिसभामा प्रत्यक्षतर्फ खसेको चार लाख १२ हजार ३०६ मतमध्ये २३ हजार ९६० मत अर्थात ५ दशमलव ८१ प्रतिशत बदर भएको निर्वाचन कार्यालय झापाले जनाएको छ ।
निर्वाचन कार्यालयका प्रमुख तुलसीप्रसाद नेपालले प्रदेशका १० वटा क्षेत्रमा खसेको चार लाख ३६ हजार ५८६ मत मध्ये २२ हजार ५६४ मत अर्थात ५ दशमलव ४५ प्रतिशत मत बदर भएको छ । जसमा प्रदेशको भन्दा प्रतिनिधिसभामा एक हजार ३९६ मत बढी बदर भएको हो ।
यता प्रतिनिधिसभातर्फ समानुपातिकमा खसेको चार लाख १६ हजार ५ अर्थात ६५ दशमलव ७७ प्रतिशत मतमध्ये ५ दशमलव २७ प्रतिशत अर्थात २१ हजार ९१९ मत बदर भएको छ ।
प्रदेश समानुपातिकतर्फको खसेको चार लाख ४९५ मत अर्थात् ६५ दशमलव ७५ मतमध्ये ३५ हजार ६९५ अर्थात ८ दशमलव ९० प्रतिशत मत बदर भएको उनले जानकारी दिए ।
Discussion about this post