झापा, १४ पुस । नेपाल पुस्तक तथा स्टेशनरी व्यवसायी महासंघ झापाको अध्यक्षमा विनोद सापकोटा अध्यक्षमा निर्वाचित भएका छन् ।
सापकोटा यसअघि उपाध्यक्ष थिए । १३ वर्षदेखि पुस्तक तथा स्टेशनरीको व्यवसाय गर्दै आएका उनी पत्रकारिता पेसामा पनि क्रियाशील छन् । उनी शिवसताक्षीका व्यवसायी हुन् । कार्यसमितिको कार्यकाल दुई वर्षका लागि रहनेछ ।
कनकाई स्थित धनुषकोटी धाममा हालै सम्पन्न अधिवेशनले वरिष्ठ उपाध्यक्षमा सुमन खनाल, उपाध्यक्षद्वयमा खगेन्द्र गौतम र खगेन्द्र सुवेदी, सचिवमा चन्द्र घिमिरे, सहसचिवमा निर्मला भण्डारी र कोषाध्यक्षमा दीपक खतिवडालाई चयन गरेको छ ।
यस्तै सदस्यहरूमा सन्तोष बुढाथोकी, रोशन श्रेष्ठ, दुर्गाप्रसाद घिमिरे, नन्दिकेशर घिमिरे, मनकुमार चौलागाई, जीवन सुवेदी र तीर्थ काफ्लेलाई छन् ।
कार्यक्रमका प्रमुख अतिथि नेपाल पुस्तक तथा स्टेशनरी व्यवसायी महासंघका केन्द्रीय उपाध्यक्ष सञ्जीव सत्यालले पुस्तक तथा स्टेशनरीको व्यापार सम्मानित र शिक्षित वर्गको व्यवसाय भएको बताए । उनका अनुसार अन्य व्यापार व्यवसायको भन्दा पुस्तक तथा स्टेशनरीको व्यवसाय पृथक छ ।
कार्यक्रममा केन्द्रीय सदस्य रविन बराल, कोशी प्रदेशका उपाध्यक्ष जीवन नेपाल, पूर्व केन्द्रीय उपाध्यक्ष मातृका शिवाकोटी, पूर्व झापा अध्यक्ष समेत रहेका अधिवक्ता फणिन्द्र न्यौपाने लगायतले मन्तव्य व्यक्त गरेका थिए ।
कार्यक्रममा नेपाल पुस्तक तथा स्टेशनरी व्यवसायी महासंघ झापाका अध्यक्ष सञ्जय सापकोटाले सांगठनिक प्रतिवेदन र आर्थिक प्रतिवेदन कोषाध्यक्ष चन्द्र घिमिरेले प्रस्तुत गरेका थिए ।
महासंघ झापाका अध्यक्ष सञ्जय सापकोटाको अध्यक्षतामा सम्पन्न कार्यक्रमको स्वागत विनोद सापकोटाले र सञ्चालन सहसचिव दीपक खतिवडाले गरेका थिए ।
Discussion about this post