झापा, १३ चैत । प्रेस चौतारी नेपाल कोशी प्रदेश कमिटीका सदस्य गणेश अर्याललाई पत्नीशोक परेको छ ।
इलामका पत्रकार गणेश अर्यालकी पत्नी तारा रिजालको आज विहान २ बजे निधन भएको हो ।
रोङ गाउँपालिका–४ पहरीगाउँ निवासी रिजाल लामो समयदेखि क्यान्सर पीडित थिइन् ।
उनका तीन जना छोरीहरु गरिमा, कृतिका र योजना अर्याल छन् । आजै विहान ९ बजे झापाको बुद्धशान्ति गाउँपालिका स्थित टिमाइ घाटमा अन्त्येष्टि गरिएको छ ।
विभिन्न सञ्चारमाध्यममा आवद्व अर्याल प्रेस चौतारी कोशी प्रदेश सदस्य हुन्, रोङ मिडिया प्रालिका अध्यक्ष, इको चिया सहकारी संस्थाका व्यवस्थापक, रेडक्रस हासपोखरी उपशाखाका सचिव समेत हुन् ।
उनको पप्नीको शोकमा प्रेस चौतारी कोशी प्रदेशका अध्यक्ष अविजाल विष्टले भावपूर्ण श्रद्वाञ्जली अर्पण गरेका छन् । उनले पत्रकार अर्याल, छोरीहरु र परिवारजनप्रति समवेदना व्यक्त गरे ।
Discussion about this post