दाउरा खोज्न गएकी महिलाको हात्तीको आक्रमणबाट मृत्यु

शिवसताक्षी, १४ चैत । शिवसताक्षी नगरपालिका–११ स्थित रतुवामाइ बृक्षारोपण आयोजना क्षेत्रमा दाउरा खोज्न गएकी एकजना महिलाको हात्तीको आक्रमणबाट मृत्यु भएको छ ।

आज साँझ ६ वजे आयोजना क्षेत्रमा दाउरा खोज्न गएकी पवित्रा भेटवालको हात्तीको आक्रमणबाट मृत्यु भएको इलाका प्रहरी कार्यालय दमकले जानकारी दिएको छ ।

उनीसँगै दाउरा खोज्न गएका उनका पति दिलिप भेटवाल समेत हात्तीको आक्रमणबाट घाइते भएका छन् ।

घाइते दिलिपलाई तत्काल उपचारका लागि स्थानीय अस्पताल लगिएको छ ।