चौतारीका कोशी प्रदेश सदस्य निरौलालाई मातृशोक

झापा, १७ चैत । प्रेस चौतारी कोशी प्रदेश कमिटी सदस्य राम निरौलालाई मातृशोक परेको छ ।

उनकी ७० वर्षीया आमा हेमकला निरौलाको आज विहान साढे ९ कनकाई नगरपालिका–७ स्थित निजी निवासमा निधन भएको हो ।

स्व. हेमकलाका पति टिकाराम निरौला, एक छोरा राम निरौला र सात जना छोरीहरु छन् । राम निरौला सुरुंगा प्रेस क्लबका अध्यक्ष, कनकाई खबर अनलाइन पत्रिकाका सम्पादक हुन् ।

स्व. हेमकला मेचीनगर प्रेस क्लबका अध्यक्ष डम्बर बरालको सासुआमा समेत हुन् । स्व. हेमकलाको आजै साँझ कनकाई घाटमा अन्त्यष्टि गरिएको छ ।