कोशी कांग्रेस : प्रमुख सचेतकमा तामाङ मनोनित

झापा, २७ चैत । नेपाली कांग्रेस कोशी प्रदेशको प्रमुख सचेतकमा झापाका गोपाल तामाङ मनोनित भएका छन् ।

नेपाली कांग्रेस कोशी प्रदेश संसदीय दलका नेता उद्धव थापाले तामाङलाई प्रमुख सचेतकमा मनोनित गरेका हुन् ।

प्रमुख सचेतक तामाङ झापाको क्षेत्र नम्बर १ (१) बाट प्रदेश सभा सदस्यमा निर्वाचित भएका थिए ।

यसअघि कोशी कांग्रेसको प्रमुख सचेतकमा खोटाङ क्षेत्र नम्बर १ (२) बाट निर्वाचित भुपेन्द्र राई थिए ।

राईले सो पद त्यागेपछि तामाङलाई मनोनित गरिएको हो ।