सुन्तला राष्ट्रिय फलको रुपमा घोषणा

झापा, ३० चैत । सरकारले सुन्तलालाई राष्ट्रिय फलको रुपमा घोषणा गरेको छ ।

आज बसेको मन्त्रिपरिषद् बैठकले कृषि तथा पशुपन्छी विकास मन्त्रालयको प्रस्तावमा सुन्तलालाई राष्ट्रिय फल घोषणा गर्ने निर्णय गरेको सञ्चार तथा सूचना प्रविधिमन्त्री रेखा शर्माले जानकारी दिइन् ।

सुन्तला नेपालको रैथाने फलफूल हो । नेपालमा सुन्तला उत्पादनका केही प्रसिद्ध पकेट क्षेत्रहरू छन् ।

उत्पादन बढाउन सघाउ पुग्ने उद्देश्यले सुन्तललाई राष्ट्रिय फल घोषणा गरिएको सरकारकी प्रवक्ता समेत रहेकी मन्त्री शर्माले बताइन् ।