झापा, ३० चैत । झापाका दलित संघ–संगठनहरुले जातको आधारमा भेदभाव गर्ने हल्दिबारी गाउँपालिकाका पूर्व उपाध्यक्ष डम्बर गिरीलाई कारबाही गर्न माग गरेका छन् ।
आज बसेको जिल्ला स्तरीय दलित संघ–संगठनहरुको भेलाले दलित अधिकारकर्मी, जिल्ला समन्वय समिति झापाका पूर्व प्रमुख सोमनाथ पोर्तेललाई जातीय भेदभाव तथा छुवाछूत गर्ने गिरीलाई कानून बमोजिम कारवाहीको माग गरिएको हो ।
शुक्रबार एक विज्ञप्ति सार्वजनिक गर्दै जातको आधारमा अपमान गर्ने गिरीको अभिव्यक्ति विरुद्ध प्रतिकार गर्न न्यायप्रेमी जनसमुदायसँग जोडदार माग गरिएको छ ।
कारवाहीको माग गर्दै नेपाल दलित संघका सभापति दल बहादुर विश्वकर्मा, मुक्ति समाज झापाका अध्यक्ष तिलक गजमेर, नेपाल दलित मुक्ति मोर्चाका अध्यक्ष सुर्यबहादुर विश्वकर्मा (सुरेश), कोशी प्रदेश सदस्य कुमार ठटाल, राष्ट्रिय प्रजातान्त्रिक उत्पीडित उत्थान संगठन झापाका अध्यक्ष रमेश बिश्वकर्मा, दलित जागरण अभियान केन्द्रका अध्यक्ष छविलाल विश्वकर्मा र ओरिफ नेपालको उपाध्यक्ष निरु परियारले संयुक्त विज्ञप्ति जारी गरेका छन् ।
नेपाल उत्पीडित जातीय मुक्ति समाज केन्द्रीय सचिव, नेकपा (एमाले) कोशी प्रदेश कमिटी सदस्य समेत रहेका पोर्तेललाई हल्दिबारी गाँउपालिका पूर्व उपाध्यक्ष गिरीले टेलिफोन सम्बाद मार्फत जातीय तथा अन्य छुवाछूत र भेदभाव (कसुर र सजाय) ऐन २०६८ आकर्षण हुने गरि अभिव्यक्ति दिएको छन् ।
चैत १८ गतेको सम्वादमा जातीय हिंसा बढाउने, जातीय रुपमा घृणा फैलाउने र जातीय उच्चनिच जनाउने दुव्र्यवहार पूर्ण अभिब्यक्ति प्रति दलित अधिकारको क्षेत्रमा क्रियाशील झापााका संघ–संगठनहरुको ध्यानाकर्षण भएको जनाउदै कारवाही माग गरेका छन् ।
जातीय विभेद गर्ने गिरी विरुद्ध पीडित पोर्तेलले यही चैत २८ गते इलाका प्रहरी कार्यालय अनारमनी बिर्तामोडमा जाहेरी दिएका छन् ।
Discussion about this post