झापा, १२ साउन । गण्डकी प्रदेशका भाैतिक पूर्वाधार मन्त्री राजिव गुरूङ ( दीपक मनाङ्गे) आफ्नो मन्त्रालयकाे कार्यकक्षमा गन्जीमा बसेर जनतासँग छलफल गरेकाे तस्वीर भाइरल भएको छ ।
गुण्डागर्दी पृष्ठभूमिबाट राजनीतिमा आएर दोस्रो पटक पनि स्वतन्त्र सांसद जितेका मनाङ्गेले याेसहित छैटौं पटक मन्त्री भएका हुन् ।
मन्त्री मनाङ्गे विवादित गतिविधिले पनि सधैं चर्चामा आइरहन्छन् ।
केहि दिनअघि मनाङ्गे गञ्जीमा मन्त्रालयको कार्यकक्षमा भेटिएका छन् । मन्त्रालयमा गञ्जीमै भेटिएका मनाङ्गेले अपशब्द बोल्ने, कार्यकक्षमै मदिरापान गर्ने गरेका छन् । गञ्जीमै कार्यकक्षमा बसेर मदिरा खाएर अपशब्द बोलेको कर्मचारीले गुनासो गरेका छन् ।
मन्त्रीको सामान्य मर्यादाको ख्याल नगरी गञ्जीमै कार्यकक्षमा बसेका मनाङ्गेले सेवाग्राहीलाई समेत त्यसरी नै भेटेका छन् ।
शुक्रबार राइड सेयरिङलाई वैध बनाएर नियमन गर्दै खुला गर्न माग गर्न पुगेको समूहसँग भेटेका मनाङ्गेले आफूले सिन्डिकेटको अन्त्य गरेर सबै चलाउने भन्दै रक्सी खाएर जान अफर गरेका थिए ।
यातायात व्यवासायी महासंघले रातो नम्बर प्लेटले पनि यात्रु ओसार्न पाउने कार्यविधि नल्याउन विहीबार ४८ घन्टे अल्टिमेटम दिएका थिए ।
त्यसको भोलिपल्ट राइड सेयरिङ एपमार्फत चलेका राइडर्स ध्यानाकर्षण गराउन मन्त्री मनाङ्गेसँग पुग्दा उनले ट्याक्सी व्यवसायी लगायतले आफूलाई ब्याकमेलिङ गर्न खोजेको भन्दै आफू ढुक्कले रक्सी खाएर सुत्ने बताएका थिए ।
आफू स्पष्ट जे हो, त्यही बोल्ने बताउने मन्त्री मनाङ्गे विभिन्न समयमा मर्यादाविपरीत काम गर्दा आलोचनामा समेत पर्दै आएका छन् ।
मुख्यमन्त्री खगराज अधिकारीलाई साथ छोडेर विश्वासको मत दिएपछि मनाङ्गेलाई मुख्यमन्त्री सुरेन्द्रराज पाण्डेले भौतिक पूर्वाधार मन्त्रालयमै दोहोर्याएका छन् ।
सरकार संकटमा परेपछि भौतिक पूर्वाधार मन्त्री बनाएका पाण्डेले फेरि पनि मनाङ्गेलाई सोही मन्त्रालय दिएका थिए ।
Discussion about this post