नेपाल जेसीजको क्षेत्र ‘क’ सम्मेलन सम्पन्न

धुलाबारी, १२ असोज । नेपाल जेसीज वर्ष २०२४ को क्षेत्र ‘क’ सम्मेलन सम्पन्न भएको छ ।

शुक्रबारदेखि धुलाबारी स्थित पासाङ ल्हामु स्मृति प्रतिष्ठान टाउन हलमा शनिबारसम्म आयोजना भएको नेपाल जेसीज वर्ष २०२४ को क्षेत्र ‘क’ सम्मेलन विभिन्न विद्यामा कार्यक्रम गरेर सम्पन्न भएको हो ।

आज (शनिबार) तालिम, जेनेरल एसेम्ली, नेपाल जेसीजको अवार्ड वितरण, अन्तर शाखा वक्तृत्वकला, नेपाल जेसीज वर्ष २०२५ को राष्ट्रिय महाधिवेशनका लागि अध्यक्ष, पदाधिकारी लगायतका पदमा विभिन्न शाखाबाट उम्मेदवारी दावी पेश गरेका थिए ।

हिजो जेनेरल एसेम्ली, सिनेटर वैठक, जुनियर जेसीजको वैठक, जेसीज नाइट भएको थियो । शुक्रबार कार्यक्रमको उद्घाटन कोशी प्रदेश सरकारका खानेपानी, सिँचाई तथा उर्जा मन्त्री एकराज कार्कीले गरेका थिए ।

क्षेत्र ‘क’ का ४२ वटा शाखा, जुजियर जेसीज १६ वटा, देशभर तथा नेपाल जेसीजका पदाधिकारीसहित करिव ३०० जना जेसीहरुको सहभागिता रहेको थियो । करिव ६०० जना आउने अनुमान गरेकोमा लगातारको वर्षाका कारण केहि सहभागीहरु आउन सकेनन् ।

क्षेत्र ‘क’ सम्मेलनका कोषाध्यक्ष एवम् धुलाबारी जेसीजका पूर्व अध्यक्ष ऋषिराज तिम्सिनाले आय–व्यय विवरण पेश गरेका थिए । उनका अनुसार सम्मेलन गर्न करिव २६ लाख खर्च भएको छ । जस्मा करिव २४ लाख रुपैयाँ विभिन्न माध्यामबाट संकलन भएको छ ।

सम्मेलनमा नेपाल जेसीजको विभिन्न विद्याका अवार्ड वितरण गरिएको थियो । ४२ वटा शाखा मध्ये केहि शाखाहरु उत्कृष्ट भएको छ ।
बाहुनडाँगी जेसीज र त्यसका अध्यक्ष देवु बानियाँलाई अवार्डसहित सम्मान गरिएको थियो । वक्तृत्वकला प्रतियोगितामा पनि बाहुनडाँगी जेसीज उत्कृष्ट भएको छ ।

नेपाल जेसीजका कार्यकारिणी उपाध्यक्ष एवम् सम्मेलन समारोहका सभापति भिम कुँवरको अध्यक्षतामा सम्पन्न कार्यक्रममा राष्ट्रिय अध्यक्ष रविन पोखरेल लगायतको सहभागिता रहेको थियो ।

सम्मेलनले वेरोजगार युवाहरुलाई विदेश जानबाट रोकेर आफ्नै देशमा उद्यमशिलता बनाउन जेसीजको अहम भूमिका रहने आयोजक समितिका निर्देशक एवम् जेसीआई सिनेटर अनन्तप्रकाश वस्तीले जानकारी दिए ।

कार्यक्रममा धुलाबारी शाखाका अध्यक्ष मन्जिल रसाईली, धुलाबारी जुनियर जेसीजका संस्थापक अध्यक्ष सुलभ भण्डारी लगायतले सहजीकरण गरेका थिए ।