मेचीनगर, १ चैत । पाँचौ मेचीनगर गोल्डकपको उपाधि जित्न आयोजक काँकरभिट्टा फुटबल ट्रेनिङ सेन्टर र चर्च ब्वाइज युनाइटेडले आ–आफ्नै दावी गरेका छन् ।
उपाधिका लागि शनिवार काँकरभिट्टा खेल मैदानमा आयोजक र चर्च ब्वाइज कडा प्रतिस्पर्धा हुने भएको छ ।
शुक्रबार भएको पत्रकार सम्मेलनमा दुबै टोलीका प्रशिक्षकले उपाधि आफ्नै पोल्टामा पार्ने दावी गरेका छन् ।
‘घरेलु मैदान र दर्शकको समर्थन हामीलाई हुनेछ,’ आयोजकका प्रशिक्षक मुन्ना सुब्बाले भने–‘जित्ने हामीले नै हो । घरमै ट्रफी राख्ने योजना छ ।’
चर्च ब्वाइजका प्रशिक्षक सुमन श्रेष्ठले यसैवर्ष ३ वटा ट्रफी जितिसकेका छौं । यो पनि जित्ने आशा धेरै रहेको बताए ।
प्रतियोगिताको विजेताले १० लाख र उपविजेताले ५ लाख नगद, ट्रफी र मेडल प्राप्त गर्नेछ । उत्कृष्ट खेलाडीले ५१ हजार, सर्वाधिक गोलकर्ताले २५ हजार, उत्कृष्ट गोलकिपर र प्रशिक्षकले जनही २१ हजार र उदीयमान खेलाडीले १५ हजार पुरस्कार पाउने आयोजक काँकरभिट्टा फुटबल ट्रेनिङ सेन्टरका अध्यक्ष नवराज (दिनेश) ओलीले जानकारी दिए ।
Discussion about this post